Հայոց բանակի կազմավորման գործում անմոռանալի ու անգնահատելի են այն քաջազունների սխրանքները, որոնց թափած արյան գինը մեր ազատութույունն ու անկախությունն է: Այդ ասպետներից էր նաև Դուշման Վարդանը, ով կյանքի գնով ավանդեց մեզ հայրենիք ու անկախություն: Gisher.news-ն զրուցելով Վարդանի մոր՝ Զարիկ մայրիկի հետ փորձեց պարզել արդյոք այսպիսիին էր Վարդանի երազած բանակը:
ՙԱյսօրվա բանակը որդուս երազած ու որդուս գործը շարունակող բանակն է՚,- նշեց Զարիկ մայրիկն ու հիշեցրեց, որ հենց այս պահին մեկ այլ վայրում հայ մայրը Դուշման Վարդանի ու Արմեն Հովհաննիսյանի գործ շարունակող որդի է ծնում:
ՙՀայ զինվորին միայն սիրելը քիչ է, նրան պաշտել ու փառաբանել է պետք, և այսօր հայոց բանակին բացի սեփական ժողովրդի սիրուց ու նվիրումից ոչինչ պետք չէ՚, - համոզված է Տիկին Զարկը: Ըստ նրա, ընդամենը մի բարի խոսքը, սերն ու ջերմություն կարող ոգևորել ու ոգեշնչել հայ զինվորին:
ՙՄենք հիանալի երիտասրդություն ունենք, խելացի, իմաստուն, նպատակասլաց ու զարգացած և տեղին չէ նրանց ամեն առիթով թերագնահատելն ու թևաթափ անելը՚,- ասաց Դուշման Վարդանի մայրը: ՙԵկեք լավատես լինենք, տեսնենք վաղվա հաղթանակներն ու հզորացած ու անկոտրուն ապագան, սա է առաջընթացի միակ ուղին՚, - համոզված է Զարիկ մայրիկը:
Նրա խոսքով՝ իշխանությունները գալսի ու գնում են բանակն ու մայր հողն են մնայուն:
Ավարտելով զրույց Տիկին Զարիկն ասաց. ՙՓառք ու պատիվ Արմենին, նրա ընտանիքին, այս պահին դիրքերը պահող հայ զինվորին, իր տունն ու հայրենիքը չլքող հայ մարդուն՚: