«Երեկ դատավորին ինքնաբացարկ տալու միջնորդության հիմքում դրեցի այն հանգամանքը, որ բոլոր վկաներն արդեն ցուցմունք տվել են, ցավոք սրտի, մեր դատարանն իրեն պահեց այնպես, ինչպես կպահեր արդարադատություն իրականացնելու մի անընդունակ մարմին: Մերժեց միջնորդությունը առանց որևէ հիմնավորման»,- այսօր կայացած մամուլիս ասուլիսի ժամանակ նշեց Ազատամարտիկ, պահեստազորի գնդապետ Վոլոդյա Ավետիսյանի փաստաբան Արա Զաքարյանն անրադառնալով նրա գործով վերջին դատավարությանը: Փասաբանի համոզմամբ՝ Վոլոդյա Ավետիսյանին ազատ չարձակելու հարցի պատասխանը չափից ավելի պարզ է իրենց համար, դատավորները պատրաստ են կատարել ցանկացած անօրինություն, միայն թե դեմ չգնան դատախազությանը և իշխանությանը: «Հերթական անգամ դատարանները թքեցին արդարադատության երեսին»,- հավելեց նա:
Խոսելով հետագա քայլերի մասին Արա Զաքարյանը տեղեկացրեց, որ պահանջելու է, որպեսզի Արդարադատության խորհուրդը քրեական պատասխանատվության ենթարկի դատավորին:
Ասուլիսին ներկա «Ի պաշտպանություն Վոլոդյա Ավետիսյանի» նախաձեռնության ղեկավար Գագիկ Սարուխանյանն էլ իր հերթին նշեց, որ այսօրվա իշխանությունները դիտավորյալ Վոլոդյա Ավետիսյանին պահում են անազատության մեջ: «Փաստորեն մեր երկրում արդեն գործում է իրավական տեռոր: Մարդուն իր հասարակական և քաղաքական գործունեության համար հստակ պատժում են: Պատժում են ոչ միայն իրավապես, այլ հոգեպես: Նրա որդուն առողջական խնդիրների պարագայում զորակոչեցին բանակ, որտեղից նրան տարան հոսպիտալ»,-մանրամասեց բանախոսը:
Նախաձեռնության ղեկավարը նաև կոչ արեց բոլոր ազատամարտիկներին կանգնել Վոլոդյա Ավետիսյանի կողքին. «Տղանե՛ր, Վոլոդյան կանգնել էր բոլորիդ համար, բայց նա այսօր դարձավ «խարդախ կամ կաշառակեր»»:
Հիշեցնենք, որ ազատամարտիկը ամիսներ շարունակ գտնվում է անազատության մեջ՝ մեղադրվելով խուլիգանության մեջ:
Բավ է պառակտվել