24-01-2015 11:02

Զապը հունվարի 29-ին ազատ կարձակվի

Կենտրոն եւ Նորք-Մարաշ ընդհանուր իրավասության դատարանը մերժել է Երեւանում 2014թ հոկտեմբերի 28-ին հայտնաբերված Անդրանիկ Սողոյանի կալանքը երկու ամսով երկարացնելու Արդարադատության նախարարության միջնորդությունը: Դռնփակ դատական նիստն անցել է առանց Անդրանիկ Սողոյանի, նա չի ցանկացել ներկա գտնվել: Իսկ դատարանը, առաջնորդվելով «ազատության կանխավարկածով», մերժել է արդարադատության նախարարության միջնորդությունը՝ նշելով, որ անհիմն է կալանքը երկարացնելը, քանի որ Զապը ունի արդարացման ակտ, իսկ Չեխիայի Գերագույն դատարանի նիստը դեռ հայտնի չէ՝ երբ կլինի: Կենտրոն եւ Նորք-Մարաշ ընդհանուր իրավասության առաջին ատյանի դատարանի որոշումը բողոքարկելու համար aրդարադատության նախարարությունը ունի 5 օր ժամանակ: Այսպիսով, եթե որեւէ բան չփոխվի, ապա Զապը հունվարի 29-ին ազատ կարձակվի: