Ամբողջ գիշեր Գվելեթի-Դարիալ (Ներքին Լարս) ավտոճանապարհի միջնամասում Թերեք գետի ափին տեղի ունեցած փլվածքից հետո անհետ կորած քաղաքացիների որոնողափրկարարական աշխատանքները շարունակվում են: Այս մասին այսօր Հայաստանի ԱԻՆ մամուլի ծառայությունը տեղեկացել է Վրաստանի ՆԳՆ ԱԻ դեպարտամենտի հերթապահի հետ հեռախոսարույցից:
Հայաստանի Արտակարգ իրավիճակների նախարար Արմեն Երիցյանը Վրաստանի Հանրապետության ՆԳ նախարար Ալեքսանդր Չիկայիձեի հետ հեռախոսազրույցում նշել է, որ Հայաստանում իր գլխավորած կառույցը պատրաստ է Վրաստանի իր գործընկերներին ցուցաբերել անհրաժեշտ աջակցություն: Վրաստանի ՆԳՆ ԱԻ դեպարտամենտտից ստացած տեղեկությունների համաձայն` աղետի գոտուց անվտանգ տարածք են տեղափոխվել Հայաստանի 7 քաղաքացիներ:
Վրացական լրատվամիջոցների տարածած լուրերի համաձայն` տարհանված քաղաքացիների թիվը հասնում է 250-ի: Այս պահի դրությամբ տեղի բնակիչներից 6-ը համարվում են անհետ կորածներ: