Այսօր, լրագրողների հետ հանդիպմանը, ՛՛Աքիլլես՛՛ ՀԿ նախագահ Էդուարդ Հովհաննիսյանը նշեց, որ իրենց դիմում են վարորդները ու ասում, որ մեքենաներն ապահովագրել են, սակայն նարնց տուգանում են:
Ըստ ՀԿ նախագահի նման դեպքերում վարորդները պետք է դիմեն ապահովագրական ընկերությանը, միայն այդ դեպքում տուգանքները կհանվեն: Երբ վարորդը չգիտի կանոնները, չի կարող իրեն պաշտպանել, բայց ի տարբերություն մի երեք-չորս տարիներ առաջվա հետ, անհամեմատ փոխվել է իրավիճակը, նման կարծիքի է Հովհաննսիյանը:
Ըստ նրա ,տեսախցիկների առկայությունն էլ է նպաստում նրան, որ վարորդներն ավելի զգոն լինեն և հետևեն կանոններին:
«Աքիլլես» ՀԿ-ի ղեկավարն ասաց նաև, որ մարդիկ կան, որ տարիներ առաջ լիազորագրերով վաճառել են իրենց մեքենաները, բայց դեռ այդ քաղաքացիների վրա տուգանք է գալիս:
«Սա ևս վարորդներին մտահոգող հարց է, ու սրա վերաբերյալ էլ ենք բողոքներ ստանում»,- նշեց Էդուարդ Հովհաննիսյանը՝ ավելացնելով, թե վարորդների մոտ առաջացած բազմաթիվ հարցերի վերաբերյալ իրենք դիմում են Ոստիկանությանը, Տրանսպորտի և կապի նախարարությանը:
Հովհաննիսյանը նշեց, որ տաքսու վարորդները բողոքում են, որ իրենք դիմում են ապահովագրական ընկերություններին, սակայն իրենց չեն ապահովագրում: Էդուարդ Հովհաննիսյանն ասաց, որ իրենք հորդորում են վարորդներին, որպեսզի բողոքների դեպքում ոչ թե ուղղակի ահազանգեն, այլ դիմեն գրավոր, որպեսզի իրենք կարողանան գործին ընթացք տալ:
Ինչ վերաբերում է դատական համակարգին, Էդուարդ Հովհաննիսյանն ասաց, թե դրանից իրենք գոհ են, որովհետև հիմնականում դատերը շահում են: