08-05-2014 18:14

Երկրապահը մեր հզոր բանակի հիմքն է. Հ.Աբրահամյան (լուսանկարներ)

Երկրապահի օրվա կապակցությամբ ՀՀ վարչապետ Հովիկ Աբրահամյանն այցելել է Եռաբլուր պանթեոն՝ հարգանքի տուրք մատուցել զոհված ազատամարտիկների հիշատակին:
Կառավարության ղեկավարը ծաղիկներ է դրել Հայաստանի Հանրապետական կուսակցության հիմնադիր Աշոտ Նավասարդյանի, Սպարապետ Վազգեն Սարգսյանի, Զորավար Անդրանիկ Օզանյանի շիրիմներին և Անհայտ զինվորի հուշակոթողին:


Կառավարության ղեկավարը շնորհավորել է բոլոր երկրապահներին՝ տոնական օրվա կապակցությամբ և նշել. «Երկրապահը մեր երկրի ու ժողովրդի համար մեծ արժեք է, մեր հզոր բանակի հիմքն է: Խոնարհվում եմ մեր բոլոր այն հայրենակիցների հիշատակի առջև, ովքեր իրենց կյանքն են զոհել հանուն Արցախի ազատագրման և մեր պետության հզորացման»:


Այնուհետև վարչապետը մասնակցել է Երկրապահի օրվան նվիրված տոնական միջոցառմանը, որի ընթացքում մի խումբ երկրապահների պարգևատրել է անվանական հուշանվերներով:


Իր հերթին, Երկրապահ կամավորականների միության նախագահ Մանվել Գրիգորյանը վարչապետ Աբրահամյանին պարգևատրել է սպարապետ Վազգեն Սարգսյանի անվան շքանշանով: