Ազգային ժողովի Հայ Ազգային կոնգրես խմբակցության քարտուղար Արամ Մանուկյանը այսօր Ազգային ժողովում շարունակվող նիստի ժամանակ Բաղրամյան պողոտայում կատարվածի վերաբերյալ հայտարարությամբ հանդես եկավ. «Մի քանի ժամ առաջ Բաղրամյան փողոցում ուժ է կիրառվել բերման են ենթարկվել 237 քաղաքացիներ, որոնց մեջ կան բազմաթիվ լրագրողներ, կոտրվել են նրանց տեսախցիկները, ոստիկանության պաշտոնյաները բռնագրավել են նրանց տեսախցիկների հիշողության քարտերը: Բաղրամյան փողոցը բացվելուց հետո բազմաթիվ քաղաքացիներ բերման են ենթարկվել Ազատության հրապարակում և նրա տարածքում, ինչը ամենևին կապ չուներ տրանսպորտի բացվելու հետ, նաև հետապնդվել են: Պահանջում ենք անհապաղ ազատ արձակել բռնության ենթարկված բոլոր լրագրողներին ու մյուս քաղաքացիներին, պահանջում ենք պատժել ապօրինի գործողություններ իրականացնողներին»: Արամ Մանուկյանի այս հայտարարությունից հետո ՀԱԿ խմբակցության պատգամավորներ Ստեփան Դեմիրճյանը, Լյուդմիլա Սարգսյանը, ինքը` Արամ Մանուկյանը և Գագիկ Ջհանգիրյանը լքեցին նիստերի դահլիճը: Գալուստ Սահակյանին, սակայն, ՀԱԿ-ից լսող չկար:իտասարդների նկատմամբ և ըստ տարբեր տեղեկությունների, շուրջ 200 մարդ, այդ թվում` լրագրողներ, տեղափոխվել են ոստիկանության տարբեր շրջանների բաժիններ: