ՌԴ ՊՆ-ն հաստատել է, որ Պսկովի մարզում հարկադիր վայրէջք կատարած Մի-8 ուղղաթիռի անձնակազմի 4 անդամները զոհվել են: Վայրէջքի վայրը ժամանած որոնողափրկարարական խմբի զեկույցի համաձայն` վթարի հետևանքով 3 օդաչուներն ու 1 տեխնիկ-հրահանգիչը մահացել են: Վթարի հանգամանքները պարզելու համար դեպքի վայր է մեկնում ՌԴ Զինուժի հանձնաժողովը: Մի-8 ուղղաթիռն այսօր երեկոյան ուսումնավարժանքային թռիչք էր իրականացնում Պսկովի մարզում: Տեղի ժամանակով 19:21-ին կապը անձնակազմի հետ ընդհատվել է: