Ապրիլի 1-ին՝ 08:00-ի դրությամբ, Հայաստանի ճանապարհները հիմնականում անցանելի են տրանսպորտի երթևեկության համար: Ինչպես հայտնել են ՀՀ տարածքային կառավարման և արտակարգ իրավիճակների նախարարության մամուլի ծառայությունից, դժվարանցանելի է Սոթք-Քարվաճառ ավտոճանապարհը: Լոռու մարզի Վանաձոր և Ալավերդի քաղաքաներում, ինչպես նաև Տավուշի մարզում գրանցվել է թույլ մառախուղ: Վրաստանի ՆԳՆ ԱԻ դեպարտամենտի տեղեկության համաձայն՝ Ստեփանծմինդա-Լարս ավտոճանապարհը բաց է տրանսպորտի բոլոր միջոցների համար անվադողերին շղթաներ օգտագործելու դեպքում: