Մոսկվայի Կարմիր հրապարակում այսօր առավոտյան անցկացվել է արհմիությունների ավանդական մայիսմեկյան երթը: Այս տարի այն անցկացվել է «Գների աճին՝ աշխատավարձի կրկնապատկում» կարգախոսի ներքո:
Հանրահավաքը մայիսի 1-ին նախատեսվող բոլոր միջոցառումներից ամենազանգվածայինն է:
Ռուսաստանի ներքին գործերի նախարարության տվյալներով՝ երթին մասնակցել է 140 հազար մարդ:
Երթն առաջնորդել է Մոսկվայի քաղաքապետ Սերգեյ Սոբյանինը և Ռուսաստանի անկախ արհմիությունների ֆեդերացիայի ղեկավար Միխայիլ Շմակովը:
Այսօր Մոսկվայում, մայրաքաղաքի իրավապահ մարմինների տվյալներով, կանցկացվի մոտ 300 տարբեր միջոցառում:
