Կենտրոնական Ռուսաստանում անձրևների պատճառով օդերևութաբանները վտանգի «նարնջագույն» մակարդակ են հայտարարել։ Այս հանգստյան օրերին երկրի 10 շրջաններ կարող են հեղեղվել հորդառատ անձրևների հետևանքով։ Դա Կրասնոդարի երկրամասն է, Ադիգեայի, Հյուսիսային Օսիայի, Կաբարդինո-Բալկարիայի, Կարաչաևո-Չերկեսիայի հանրապետությունները, Ստավրոպոլի երկրամասը, Սմոլենսկի, Բրյանսկի, Կուրսկի և Կալուգայի շրջանները, հայտնում է : «Նարնջագույն» մակարդակը նախավերջինն է գունային սանդղակում, որն օգտագործում են անբարենպաստ եղանակային երևույթները բնութագրելու համար։ Առավելագույն աստիճանը կարմիրն է։ Այս շաբաթ հորդառատ անձրևներ են տեղացել ռուսական մի շարք քաղաքներում և հանգեցրել հեղեղումների։ Օրերս ջրի տակ էր անցել Սոչի քաղաքը։ Հարյուրավոր մարդիկ տարհանվել են։ Լրջորեն տուժել են Կուրսկ, Լիպեցկ, Եկատերինբուրգ և Վորոնեժ քաղաքները։ Վտանգը մոտենում է Մոսկվային։ Առաջիկա 2 օրերի ընթացքում, Հիդրոմետկենտրոնի տվյալներով, մայրաքաղաքում կարող է տեղալ մինչև մեկ ամսվա նորմայի 1/3-ը։
Բավ է պառակտվել