Այսօր առավոտյան «Շանթ-2015» ռազմավարական հրամանաշտաբային զորավարժությունների շրջանակում ստացվել էր տեղեկատվություն, որ հակառակորդը օդային հարձակում է գործել, և հայտարարվել է օդային տագնապ: Տավուշի մարզպետարանի պաշտոնական էջի հաղորդմամբ, պայմանականորեն վնասվել է մեկ բնակելի շենք, կան տուժածներ, վիրավորներ, որոնք կարիք ունեն օգնության:
Կարճ ժամանակում Իջևանի հրշեջ փրկարարական ջոկատի ուժերով կատարվել են փրկարարական և հրդեհաշիջման աշխատանքներ. տուժածները շտապ օգնության մեքենայով տեղափոխվել են Իջևանի բժշկական կենտրոն: Տարածքում աշխատում էին մարզային ոստիկանության ուժերը՝ տեղում ապահովելով հասարակական կարգի պահպանությունը:
Արդյունքների մասին զեկուցվել է ՀՀ Տավուշի մարզպետ Հովիկ Աբովյանին և ՀՀ ՏԿԱԻՆ ՓԾ տնօրենի տեղակալ, գեներալ-մայոր Աստվածատուր Պետրոսյանին: Աշխատանքները մարզպետի և գեներալի կողմից գնահատվել են դրական: