Թուրքիայի վարչապետ Ռեջեփ Թայիփ Էրդողանի՝ հայերին ուղղված ցավակցական ուղերձը որպես «ցեղասպանության ժխտման տեքստ»է որոկել երկրի մարդու իրավունքների գրասենյակի Ստամբուլի մասնաճյուղը տեղեկացնում է Hye Tert-ը։
Գրասենյակի ներկայացուցիչները մամուլի ասուլիս են հրավիրել և արձագանքել են Էրդողանի հայտարարությանը։ «1915թ.-ին Օսմանյան կայսրության տարածքում հայերի հանդեպ տեղի ունեցածը ցեղասպանություն էր»,-ասել են ասուլիսի մասնակիցներն ու տեղեկացրել, որ Հայոց ցեղասպանության 100-ամյակին ընդառաջ արշավ են սկսելու՝ «ժխտմանը վերջ տալու» կոչով։ Գրասենյակը նկատում է, որ վարչապետի ուղերձում Թուրքիայի օգտագործած լեզուն դրականորեն փոխվել է, և դա պայմանավորել են ժխտման դեմ մղվող պայքարով։.«Չնայած այս անգամ լեզուն փոխվել է, սակայն տեքստը դարձյալ ժխտման տեքստ է»,- ասել է գրասենյակի անունից հանդես եկող Էրեն Քեսքինը։ Նախաձեռնողները նշել են, որ Էրդողանի հայտարարությունից անմիջապես հետո կառավարությանը կից պատմաբանների հանձնաժողովն ապրիլի 24-25-ին Վանում քննարկում է կազմակերպել «Առաջին համաշխարհային պատերազմն ու հայերը» թեմայով։ Միջոցառման ընթացքում կրկնվել է 100-ամյա ժխտման թեզն այն մասին, որ ցեղասպանությունը հայերն են իրականացրել և, ռուսների հետ համագործակցելով, թիկունքից հարվածել են Օսմանյան կայսրությանը։
Բավ է պառակտվել