Մոսկվա-Երևան երթուղու ավտոբուսի վթարի հետեւանքով զոհված Հայաստանի քաղաքացի Արևիկ Լունոնյանի մարմինը, որն Ուկրաինայում էր բնակվում, ազգականները տարել են: Այս մասին հայտնել է ԱԻ նախարարության Հյուսիսային Օսիայի գլխավոր վարչության ներկայացուցիչը:
Նա տեղեկացրել է, որ ազգականներին են հանձնել նաև մյուս երեք զոհերի՝ Ռոստովի մարզի բնակիչների աճյունները:
Հոկտեմբերի 14-ին, ժամը 04:30-ին Հյուսիսային Օսիայում Մոսկվա-Երեւան երթուղու ավտոբուսի վթարի հետեւանքով 5 մարդ է զոհվել, որոնցից երկու Հայաստանի քաղաքացիներ են, երեքը՝ Ռուսաստանի: ՌԴ ԱԻ նախարարության օդանավը հոկտեմբերի 14-ին Երևան փոխադրեց վթարի հետեւանքով 29 տուժածների: Հայաստան հասցվեց նաեւ ավտոբուսի զոհված վարորդ Յուրա Պողոսյանի դին: