Բավ է պառակտվել
16-04-2014 14:12

Տարոն Մարգարյանը շնորհավորել է եզդիների Նոր տարին

Այսօր, ապրիլի 16-ին եզդիները նշում են Նոր տարին: Երևանի քաղաքապետ Տարոն Մարգարյանը տոնի կապակցությամբ շնորհավորական ուղերձ է հղել եզդիական համայնքին.

՛՛Եզդիական համայնքի հարգելի ներկայացուցիչներ,
ի սրտե շնորհավորում եմ ձեզ եզդիների Նոր տարվա՝ Տաուսի Մալակի կապակցությամբ:
Մեր երկու ժողովուրդների բարեկամությունը դարերի պատմություն ունի և այդ ողջ ընթացքում երկուստեք բազում առիթներ ենք ունեցել համոզվելու, որ այն իսկապես անկեղծ ու անշահախնդիր է: Մեր երկիրը հայաստանաբնակ եզդիների համար իրապես հարազատ տուն է, և այդ տեսանկյունից բնավ զարմանալի չէ, որ աշխարհի եզդիները ևս անմասն չեն մնում Հայաստանի, այդ թվում նաև քաղաքամայր Երևանի շենացման ու հզորացման գործում իրենց ներդրումն ունենալու հարցում:
Թե՛ փորձության և թե՛ ուրախության պահին հայերն ու եզդիները մշտապես եղել են կողք կողքի, ինչը գնահատվել ու գնահատվելու է ըստ արժանվույն: Դրա վառ օրինակն է նաև Երևանի ավագանու «Հանրապետական» խմբակցության կազմում եզդի համայնքի ներկայացուցչի առկայությունը, ինչը լավագույնս փաստում է, որ եզդիները լիարժեք ինտեգրված են նաև մեր հասարակությանը հուզող խնդիրների կարգավորման ուղղությամբ որոշումների կայացման գործում:
Մեկ անգամ ևս շնորհավորելով Տաուսի Մալակի կապակցությամբ՝ մաղթում եմ ձեզ քաջառողջություն, նորանոր ձեռքբերումներ և երջանկություն ու բարեկեցություն ձեր ընտանիքներում: