Նախկին սենատոր Իգոր Իզմեստևից 700 հազար դոլար հափշտակելու համար մեղադրվող ձեռնարկատեր Լևոն Հայրապետյանի գործով հետաքննության ժամկետը երկարացվել է մինչև նոյեմբերի վերջ: Այդ մասին հայտնել է նրա փաստաբան Ռուբեն Մարգարյանը: Ավելի վաղ դատախազությունը հրաժարվել է հաստատել գործով մեղադրական եզրակացությունը և այն ուղարկել է լրացուցիչ փորձաքննության: Ինչպես նշել է փաստաբանը, երկուշաբթի օրը քննությունն այդ ժամանակից ի վեր առաջին անգամ որոշել է շփվել Հայրապետյանի հետ:
«Առիթ է հանդիսացել ծանուցումն այն մասին, որ գործով նախնական քննության ժամկետը երկարացվել է մինչև նոյեմբերի 24-ը»,- նշել է Մարգարյանը:
Նա հավելել է, որ քննությունը նաև նրան է ներկայացրել մեղադրանքի նոր տարբերակը: «Նախորդ երեքից այսօրվա մեղադրանքի տարբերությունն այն է, որ այս անգամ քննիչը որոշման մեջ գրել է, որ Իգոր Իզմեստևի մայրը՝ Թամարա Իզմեստևան, Հայրապետյանին գումար է փոխանցել «որպես կաշառք»,- պատմել է փաստաբանը:
Լևոն Հայրապետյանի դեմ ևս մեկ գործ է հարուցված: Գործարարը մեղադրվում է 2009 թվականին «Սիստեմա» ընկերությանն Ուրալ Ռահիմովի կողմից «Բաշնեֆտ» ընկերության վաճառքին ներգրավվածության համար: Մասշտաբային արբիտրաժային գործընթացի հետևանքով «Բաշնեֆտ»-ը վերադարձվել է պետությանը:
Լևոն Հայրապետյանի նկատմամբ տնային կալանք է սահմանվել:
Բավ է պառակտվել