Օդի ջերմաստիճանը կբարձրանա

Հանրապետության տարածքում մայիսի 27-ին առանձին շրջաններում, 28-29-ին շրջանների զգալի մասում, 30-31-ին հյուսիսային շրջաններում երեկոյան ժամերին և գիշերը սպասվում է կարճատև անձրև և ամպրոպ, առանձին վայրերում սպասվում է կարկուտ, ամպրոպի ժամանակ սպասվում է քամու ուժգնացում` 20-25 մ/վրկ. արագությամբ: Քամին` հարավ-արևմտյան` 5-10 մ/վրկ: Օդի ջերմաստիճանը 27-29-ին աստիճանաբար կբարձրանա 2-4 աստիճանով: Երևանում մայիսի 27-ին` գիշերը և երեկոյան ժամերին, սպասվում է ամպրոպ կա կարճատև անձրևի հավանականություն, 28-29-ին սպասվում է կարճատև անձրև և ամպրոպ, ամպրոպի ժամանակ հնարավոր է քամու ուժգնացում` 15-20 մ/վրկ արագությամբ: 30-31-ին սպասվում է առանց տեղումների եղանակ: Երևանում այսօր ցերեկը սպասվում է +28 աստիճան տաքություն, հետագա օրերին կգրանցվի +29-+30 աստիճան: