26-05-2014 12:34

Հակառակորդի գնդակից հայ զինվոր է վիրավորվել

Ղարաբաղա-ադրբեջանական հակամարտ զորքերի շփման գծի հարավային (Ֆիզուլի) ուղղությամբ տեղակայված զորամասերից մեկի պահպանության տեղամասի մարտական հենակետում հակառակորդի գնդակից զինծառայող է վիրավորվել։

Ինչպես տեղեկացնում է ԼՂՀ Պաշտպանության նախարարությունը, վիրավորը 1994թ.-ին ծնված Աշոտ Ալիկի Գրիգորյանն է։

Նա աջ ձեռքի շրջանում միջին ծանրության հրազենային վիրավորում է ստացել։

Միջադեպի մանրամասները պարզելու համար տարվում է քննություն: