Հունիսի 11-ին Հայաստանում ռուսական ավիաբազան անցկացնում է բաց դռների օր: Տոնը սկսվել է Հայաստանում Ռուսաստանի Դաշնության դեսպան Վոլիկինի, Հայաստանի զինված ուժերի գլխավոր շտաբի պետ Յուրի Խաչատուրովի, բազմաթիվ հյուրերի մասնակցությամբ հանդիսավոր միտինգով: Ավիաբազայի հրամանատար Ալեքսանդր Պետրովը բազայի ծառայողների եւ ՌԴ-ի քաղաքացիների անունից երախտագիտություն է հայտնել հայ ժողովուրդի ջերմ վերաբերմունքի համար: Պետրովը փաստեց, որ բազայի տեղակայումը մայրաքաղաքի բնակիչներին անհրամարություններ է պատճառում.
՛՛Սակայն դրանք ինքնաթիռների շարժիչների ձայներն են, որոնք պաշտպանում են այս գեղեցիկ երկիրը՛՛, - նշել է ավիաբազայի հրամանատարը:
Ռուսաստանի օրվան նվիրված միջոցառման շրջանակներում ռուսական օդաչուների կողմից կանցկացվեն խմբային եվ անհատական թռիչքներ ՄԻԳ-29 ինքնաթիռներով, ինչպես նաեւ հանդիպում, որի ընթացքում հանդես կգան Հայաստանում Ռուսաստանի դիվանագիտական կորպուսի, ՌԴ-ի պաշտպանության նախարարության, ՌԴ-ի Անվտանգության դաշնային ծառայության սահմանային կառավարման, Հայաստանի Հանրապետության պաշտպանության նախարարության ներկայացուցիչները: Հանդիսության ընթացքում կհնչեն Հայաստանում ռուսական ռազմական նվագախմբի, ՀՀ-ում ՌԴ-ի ԱԴԾ-ի սահմանային կառավարման անսամբլի, գեղարվեստական համույթների կատարումները, ռուսական ռազմաբազայի հետախուզական ստորաբաժանումների զինծառայողների ցուցադրական ուսումնական ներկայացումները: Հյուրերի համար կցուցադրվի բանակային Մի-8 եւ Մի-24 ուղղաթիռների եւ ՄիԳ-29 սերունդի սպառողների ռազմաօդային ուժերի ավիացիոն տեխնիկան: