Ուղևորին, ով մտադրվել էր «Վնուկովո» օդանավակայանից թռչել Երևան` հոր թաղմանը մասնակցելու, թույլ չեն տվել երկրից հեռանալ դատական կարգադրիչների պարտքերի պատճառով: Այս մասին հայտնում են օդանավակայանի մամուլի ծառայությունից:
«Ռուսաստանի Դաշնության քաղաքացին տոմսը ձեռքին և ավիացիոն անվտանգության ստուգումն անցնելուց հետո փորձել է անցնել «Վնուկովո» օդանավակայանի սահմանային հսկողությունը»,- հայտնել է աղբյուրը:
«Հետո երիտասարդը, ըստ երևույթին, որոշել է չհրաժարվել դեպի Երևան թռչելու փորձերից - նա փորձել է մուտք գործել միջազգային թռիչքների ստերիլ գոտի, որտեղ նրան ձերբակալել է օդանավակայանի սահմանապահ ջոկատը», - ասել է աշխատակցուհին:
Դրանից հետո, նա տուգանվել է վարչական իրավախախտման համար, սակայն մինչև երիտասարդը չմարի պարտքը, համապատասխանաբար, չի կարողանա հեռանալ Ռուսաստանից:
Ավելի վաղ ԶԼՄ-ները հաղորդել էին, որ «Վնուկովո» օդանավակայանում սահմանային հսկողության ջոկատի սպաների հրաժարվել են ուղևորին թույլ տալ հատել պետական սահմանի անցակետը, ով պատրաստվում էր թռչել Երևան` մասնակցելու հոր թաղմանը: