Ոստիկանությունն ահազանգ է ստացել, որ նռնակ են նետել:
ՀՀ ոստիկանությունը ահազանգ է ստացել այն մասին, որ ՀՀ երկրորդ նախագահ Ռոբերտ Քոչարյանի առանձնատան վրա հարձակում է տեղի ունեցել, նռնակ են նետել: Այս մասին տեղեկացանք Ոստիկանության տեղեկատվության և հասարակայնության հետ կապերի բաժնից:
Ոստիկանության օպերատիվ քննչական խումբը դեպքի վայրում է: Իրավապահները պայթյունի լուրջ հետևանքներ չեն արձանագրել, նռնակը չի պայթել:
Նշենք, որ ՀՀ երկրորդ նախագահն այս պահին հանրապետությունում չէ և գտնվում է Մոսկվայում: