Արևմտյան Հայաստանի Ազգային Խորհրդի նախագահ Արմենակ Աբրահամյանն, այսօր, կազմակերպված տեսակամուրջի ընթացքում ասաց, որ ինչպես Մարտակերտի ժողովուրդը տեղափոխվեց Ստեփանակերտ, նույն վիճակում հիմա մեր ժողովուրդը Լաթաքիայում է: Հազարավոր ընտանիքներ Լաթաքիայում են: ՛՛Մենք պետք է տարբեր կազմակերպությունների միջոցով կամ ուղղակի պայմանավորվելով կառավարության հետ` Լաթաքիայի ժողովրդին օգնություն հասցնենք՛՛,-նշեց նա: Քեսապի և այդ շրջանի հայերից շատերը ներգրավվել են ինչպես ինքնապաշտպանության ջոկատների, այնպես էլ պետական բանակի մեջ, ովքեր կռվում եմ ապստամբների դեմ: «Մենք դեռևս օգոստոսի 12-ից հայկական աշխարհին դիմել էինք, որպեսզի կարողանանք ինքնապաշտպանություն կազմակերպել: Այն ժամանակից սկսած մենք գիտեինք ինչ կարող է պատահել, ցավոք չունեցանք համապատասխան հնարավորություններ`ոտքի հանելու այդ ծրագրերը»: Ըստ նրա, շատ կարևոր է նաև լրատվական դաշտի դերը` աշխարհի հայությանը Քեսաբի հայերի իրավիճակի հանդեպ` պասիվ վիճակից դուրս բերելու համար: Անդրադառնալով խաղաղ բնակչության զոհերին` Արմենակ Աբրահամյանը նշեց, տվյալները դեռ հստակ չեն, սակայն խաղաղ բնակչությունից ավելի քան 80 հոգի զոհվել է: Նա նաև ավելացրեց, որ Արևմտյան Հայաստանի Ազգային Խորհրդը օգնության խնդրանքով և աջակցություն ստանալու ակնկալիքով դիմել է ՄԱԿ-ի Անվտանգության խորհրդին, ՌԴ և ԱՄՆ նախագահներին: Ազգային Խորհրդի Նախագահը Քեսաբի վրա հարձակումը բնորոշեց որպես վրեժ` կառավարության բանակի հաղթանակների հանդեպ: