ՀՅԴ հայտնի գործիչ, Գերմանիայում Հայաստանի դեսպան Վահան Հովհաննիսյանի հոգեհանգստյան արարողությանը Երեւանի Նոր Նորքի Սբ. Սարգիս եկեղեցում այսօր ներկա էին ՀՀ նախագահ Սերժ Սարգսյանը եւ առաջին տիկին Ռիտա Սարգսյանը: Նրանք ցավակցեցին Վահան Հովհաննիսյանի հարազատներին, հարգանքի տուրք մատուցեցին Վահան Հովհաննիսյանի հիշատակին: Պաշտպանության նախարար Սեյրան Օհանյանը Վահան Հովհաննիսյանին բնութագրեց ուպես մեր նորօրյա պատմության կերտող, որից պետք է օրինակ վերցնի այսօրվա սերունդը, մարդ, որն իր կյանքը ներդրել է հայ ազգի զարգացումն ապահովելու համար: «Նա իր պայքարը մղել է ոչ միայն գաղափարական, այլեւ մարտական դաշտում: Նա եւ իր ընկերները մարտնչել են եւ ղարաբաղյան հատվածում, եւ Հայաստանի սահմանամերձ վայրերի պաշտպանության ժամանակ: Վահան Հովհաննիսյանի կերպարը մեր մատաղ սերնդի համար օրինակ է՝ որպես գրագետ, պրոֆեսիոնալ անձնավորության »,- ասաց պաշտպանության նախարարը: Նշենք, որ քաղաքական գործչին վերջին հրաժեշտի արարողությունը տեղի կունենա հունվարի 3-ին` ժամը 11:00-13:00-ը, Կոմիտասի անվան կամերային երաժշտության տանը, հուղարկավորությունը՝ նույն օրը, Երևանի քաղաքային պանթեոնում: Ավելի վաղ հայտնել էինք, որ դեկտեմբերի 28-ին երկարատեւ եւ ծանր հիվանդությունից մահացել է ՀՅԴ-ական հայտնի գործիչ, Գերմանիայում Հայաստանի դեսպան Վահան Հովհաննիսյանը:
Բավ է պառակտվել