05-03-2015 10:59

ՀՀ կառավարությունը հավանություն է տվել «Դատախազության մասին» օրենքի փոփոխություններին

Հայաստանի կառավարությունը մարտի 5-ի նիստի ժամանակ հավանություն է տվել «Դատախազության մասին» օրենքի փոփոխությունների նախագծին: Տվյալ նախագիծը նախատեսում է դատական համակարգի անկախացումը դատախազությունից: Օրենքի նախագիծը ներկայացրել են իշխող Հայաստանի Հանրապետական խմբակցության ԱԺ պատգամավորները: Ինչպես նշվել է օրինագծի գրավոր հիմնավորման մեջ, ներկայումս դատախազության ղեկավարությունը մեղադրանքը դատարանի առաջարկով հաստատելու իրավունք ունի: Այնուամենայնիվ դեռևս 2010 թվականի ապրիլին այդ կետը ճանաչվել էր հակասահմանադրական, քանի որ դատարանը ոչ մեղադրանքի, ոչ պաշտպանության կողմերի վրա ազդելու իրավունք չունի: Դատարանի անկախության և անաչառության մասին կետը նշված է ՀՀ Սահմանադրության 19 հոդվածում: