13-02-2016 08:25

Աստղագուշակ` փետրվարի 13-ի համար

Խոյ: Եթե փորձեք հարցերին ոչ ստանդարտ լուծումներ տալ, ապա դժվար իրավիճակներից հաղթանակած դուրս կգաք: Իսկ եթե օրիգինալ մտահաղացումներ ունեք, ապա ճիշտ կվարվեք, եթե փոքր-ինչ ծանրութեթև անեք դրանք` մինչ հետաքրքրված անձանց մոտ բարձրաձայնելը: Լավատեսություն պահպանեք և ոչ մի դեպքում վատ տրամադրությունը մի փոխանցեք հարազատներին: Հնարավոր է ստիպված լինեք մի շարք կենցաղային անհետաձգելի գործերով զբաղվել,որոնք այսօր չափազանց ձանձրալի կթվան:

Ցուլ: Ստեղծագործական տեսանկյունից մոտեցեք հարցերին և ձանձրանալու առիթ չեք ունենա: Այսօր սիրալիր եք և շփվող, պատրաստ եք ընկալել նոր ինֆորմացիան և հիշել այն, ինչը ձեզ հետագայում պետք կգա: Փորձեք կյանքն ավելի ուրախ և հետաքրքիր դարձնել: Կենցաղային հարցերի շուրջ մի անհանգստացեք: Երեկոյան հնարավոր է հյուրեր ունենաք, լարվելու փոխարեն հումորով մոտեցեք հարցերին, սիրով դիմավորեք նրանց, հյուրասիրեք և պարզապես լավ ժամանակ անցկացրեք:

Երկվորյակ: Այսօր հնարավոր է անհարմար իրավիճակում հայտնվեք, սակայն ինչ էլ որ լինի, պահպանեք ինքնատիրապետումը և նրբանկատ եղեք ձեզ շրջապատող մարդկանց նկատմամբ: Հրաշալի օր է կենսակերպում որոշ փոփոխություններ անելու, մտքերը կարգի բերելու, նոր գիտելիքներ ստանալու համար: Կենցաղային գործերը շատ ժամանակ կխլեն: Օգնենք հարազատներին, եթե տեսնում եք, որ վերջիններս դժվար իրավիճակում են և չեն կարողանում ինքնուրույն գլուխ հանել սեփական խնդիրներից: Ընտանիքում կհաջողվի ներդաշնակ մթնոլորտ պահպանել:

Խեցգետին: Այօր անգամ ամենափոքր ձեռքբերումները տրամադրություն կբարձրացնեն: Ձեր լավատեսությունը և կյանքի հանդեպ տրամադրվածությունը կհիացնի բոլորին: Սակայն նոր գործեր սկսելու համար օրն այնքան էլ բարենպաստ չէ: Խուսափեք վիճաբանություններից: Կարող եք կենցաղում անհրաժեշտ իրեր ձեռք բերել, հարազատների կամ ընկերների համար` հետաքրքիր նվերներ ընտրել: Նրանք, ովքեր միայնակ են, երեկոյան հավաքույթի մասնակցելով, հնարավորություն կունենան գտնել իրենց երկրորդ կեսին:

Առյուծ: Այսօր ինքնահաստատվելու լավ հնարավորություն կունենաք: Ձեզ հոգեպես բավարարված կզգաք, կներշնչվեք ստեղծագործական նոր մտահաղացումներով: Այսօր կարող եք գեղեցկության պահպանմանն ուղղված միջոցներ ձեռք բերել, նաև տան համար անհրաժեշտ իրեր գնել: Հնարավոր է եսասիրություն դրսևորեք: Ընկերներից կամ հարազատներից որևէ օգնություն մի ակնկալեք: Իսկ ձեր կարծիքը բարձրաձայնելուց առաջ մի փոքր մտածեք:

Կույս: Այսօր, ամենայն հավանականության, ստիպված կլինեք զբաղվել ձանձրալի գործերով, կամ օտար մարդկանց խնդիրներով: Փորձեք զսպես հույզերը և հանգստություն պահպանել: Նյարդային լարվածության պատճառով կարող եք կոնֆլիկտային իրավիճակում հայտնվել: Հիշեք, պարտադիր չէ բոլորին ի ցույց դնել ձեր ներքին ապրումները: Ազատ ժամանակ զբաղվեք սիրելի գործով: Եթե ամաչկոտ եք, ապա հավանաբար այսօր ձեզ ավելի հարմարավետ կզգաք միայնության մեջ, քան ընկերների շրջապատում:

Կշեռք: Գործերում կարող եք դրական արդյունքների հասնել, եթե ամենադժվար պահերին անգամ, լավատեսություն պահպանեք: Բարենպաստ օր է լուրջ գործարքների, ստեղծագործական մտահաղացումների համար: Այն նպատակահարմար է նաև ոչ պաշտոնական հանդիպումների, հավաքույթների, միջոցառումների մասնակցելու համար: Սիրելիի հետ հարաբերությունները ներդաշնակ պահելու համար, փորձեք առավել նրբանկատ և ուշադիր լինել: Ընտանիքում ևս խաղաղ, հանգիստ մթնոլորտ կտիրի, եթե փոխըմբռնման գնաք և չչարաշահեք մտերիմների վստահությունը: Նշանի այն ներկայացուցիչները, ովքեր փնտրում են իրենց երկրորդ կեսին, ստիպված կլինեն փոխել իմիջը:

Կարիճ: Հնարավոր է ստիպված լինեք վերանայել բոլոր ծրագրերը, քանի որ այսօր դրանք կկորցնեն իրենց նշանակությունն ու կարևորությունը: Մի վախեցեք սովորական դարձած հարցերին այլ տեսանկյունից նայել: Այսօր դա միայն ձեր օգտին կլինի: Երեկոյան կցանկանք շփվել, լավ ժամանակ անցկացնել սիրելիի, ընկերների, երեխաների հետ: Ձեր դրական տրամադրվածությունը կօգնի առողջ մթնոլորտ պահպանել թե’ տանը և թե’ աշխատավայրում: Նշանի միայնակ ներկայացուցիչներին, աստղերը խորհուրդ են տալիս նոր ծանոթություններ հաստատել, հետևել իրենց արտաքին տեսքին և շարժուձևին:

Աղեղնավոր: Այսօր հնարավորություն կընձեռնվի հերթական անգամ ինքնահաստատվելու, սեփական ուժերի նկատատմամբ հավատն և ապագայի հանդեպ լավատեսությունը վերականգնելու համար: Եթե որևէ խնդրով լուրջ անհանգստացած եք, ապա այսօր ճիշտ լուծումներ կգտնեք: Ընտանեկան վեճերը կարող եք հարթել մտերմիկ զրույցների միջոցով: Արդյունքում ձեզ սիրված և պաշտպանված կզգաք: Նրանք, ովքեր փնտրում են անձնական երջանկություն, կարող են նախաձեռնությունն իրենց ձեռքն առնել և նոր ծանոթություններ հաստատել:

Այծեղջյուր: Այսօր ծագած գրեթե բոլոր խնդիրները ոչ ստանդարտ լուծումներ կպահանջեն: Հրաշալի օր է ստեղծագործական բուռն գործունեություն ծավալելու համար: Նշանի ամենապահպանողական ներկայացուցիչներն անգամ այսօր կցանկանան նոր մոտեցումներ տալ սովորական դարձաձ հարցերին, պատրաստ կլինեն ամեն տեսակ փորձարկումների: Ստիպված կլինեք կենցաղային հարցերում օգնել մտերիմներին, ինչը կանեք մեծագույն սիրով: Հարազատների հանդեպ հոգատարություն կդրսևորեք: Հրաշալի օր է գնումների համար, կարող եք օրիգինալ նվերներ ընտրել:

Ջրհոս: Այսօր գործնական եք տրամադրված, ինչը կօգնի հաղթահարել բոլոր դժվարությունները, լուծել մի շարք կարևոր խնդիրներ: կարիք չկա բարձրաձայնել ձեր մտահաղացումներն ու ծրագրերը, որոնք դեռ մշակման կարիք ունեն: Այսօր գործընկերների հաջողությունները կստիպեն ձեզ ինքնաքննադատությամբ զբաղվել: Ընտանիքի անդամները կհիշեցնեն ժամանակին տված ձեր խոստումները, որոնք մոռացության եք մատնել: Նյարդային գերլարվածությունը կարող է անքնության պատճառ դառնալ: Երեկոյան փորձեք թուլանալ և լիցքաթափվել:

Ձկներ: Այսօր դրական տրամադրվածությունը չափազանց կարևոր է: Գործի դրեք հումորի զգացումը, հաջող կատակներ արեք, ավելի աշխույժ եղեք և օրվա ընթացքում ձեզ հրաշալի կզգաք: Աշխատավայրում հնարավոր են որոշ փոփոխություններ, որպեսզի հնարավորինս արագ հարմարվեք դրանց, մի կողմ թողեք ձևականությունները և ստեղծագործական մոտեցում ցուցաբերեք: Երեկոյան կարող եք հրաշալի ժամանակ անցկացնել ընկերների, նաև սիրելիի ընկերակցությամբ:Նրանք, ովքեր միայնակ են, ռոմանտիկ ժամադրության կպատրաստվեն: