ՀՀ Մարդու իրավունքների պաշտպան Կարեն Անդրեասյանը Սյունիքի մարզպետ Սուրիկ Խաչատրյանի որդու՝ Տիգրան Խաչատրյանի մասնակցությամբ Սյունիքի «Սդղլի գյոլ» կոչվող տարածքում տեղի ունեցած միջադեպի առնչությամբ հարուցված քրեական գործին հետևում է որպես քաղաքացի:
«Որպես օմբուդսմեն իրավունք չունեմ միջամտել դատական գործընթացին»,-այսօր լրագրողների հետ զրույցում ասաց Կարեն Անդրեասյանը:
Հարցին, թե ստացվում է, որ մարզպետը ստում էր, երբ ասում էր թե որդին մեղք չունի, որովհետև այս պահին Տիգրան խաչատրյանը ձերբակալված է, Կարեն Անդրեասյանը պատասխանեց` նշելով, որ նախ՝ դեռևս չի պարզվել նա մեղք ունի թե ոչ, և երբ կպարզվի, երբ լինի օրինական ուժի մեջ մտած վճիռ:
«Նաև շատ մտահոգիչ է, եթե որևէ պետական պաշտոնյա կեղծ տեղեկատվություն է տրամադրում կամ ստում է հասարակությանը, հույս ունեմ, որ գործընթացները կբերեն այնպիսի վիճակի, որ մենք կհասկանանք, թե ի սկզբանե ինչ էր նկատի ունեցել մարզպետը, ասելով, որ իր տղան կապ չունի»:
Բավ է պառակտվել