18-12-2015 12:04

Աշոցքի զինկոմիսարիատի բաժնի պետը ձերբակալվել է կաշառք ստանալու մեղադրանքով

ՀՀ ՊՆ ՌՈ Գյումրու բաժանմունքի աշխատակիցների կողմից ձեռնարկված օպերատիվ հետախուզական միջոցառումների արդյունքում բաժանմունք հրավիրված Սամվել Գրիգորի Սիմոնյանը հաղորդում է տվել այն մասին, որ Աշոցքի զինվորական կոմիսարիատի 2-րդ բաժնի պետ, մայոր Ոսկան Ֆելիքսի Ոսկանյանը, իր որդուն` նույն զինկոմիսարիատի զորակոչիկ Ժորա Սամվելի Սիմոնյանին պարտադիր ժամկետային զինվորական ծառայությունից երեք տարով տարկետում տալու նպատակով 2012թ.-ին իրենից պահանջել է և առձեռն ստացել է 6,500 ԱՄՆ դոլար գումար: 
Նույն ժամանակ 2015թ.-ին առաջին զորակոչից իր որդուն կրկին ազատելու համար կրկին պահանջել և առձեռն ստացել է 4,500 ԱՄՆ դոլար. տեղեկացնում է ՀՀ ՊՆ-ՌՈ-ն։ Փաստի առթիվ ՀՀ ՔՐ. օր. 311 հոդվածի հատկանիշներով (կաշառք ստանալը) ՀՀ ՊՆ ՌՈ-ում հարուցվել է քրեական գործ: Ոսկան Ոսկանյանը ձերբակալվել է:  Օպերատիվ հետախուզական միջոցառումները շարունակվում են: