28-06-2016 09:45

Այս գիշեր Ադրբեջանի զինուժը արձակել է մի քանի ոչ թիրախային կրակոցներ. ԼՂՀ ՊԲ

Հունիսի 27-ի լույս 28-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով հիմնականում հանգիստ է եղել: ԼՂՀ ՊԲ-ից news.gisher.ru-ին հայտնում են, որ որոշ հատվածներում հակառակորդը հրաձգային զինատեսակներից արձակել է մի քանի ոչ թիրախային կրակոցներ: «ՊԲ առաջապահ ստորաբաժանումները չձեռնարկելով պատասխան քայլեր, շարունակել են վստահորեն իրականացնել իրենց առջև դրված մարտական խնդիրը»,-ասված է հաղորդագրության մեջ: