02-05-2014 14:51

«Այսօր պաշտոնյաները հաճախ են լղոզված պատասխաններ տալիս լրագրողների հարցերին». մասնագետ

Այսօր լրագրողների հետ հանդիպման ժամանակ «Խոսքի ազատության պաշտպանության կոմիտե» ՀԿ նախագահ Աշոտ Մելիքյանն տնդգծեց, որ նախորդ տարի մենք մոտեցել էինք անազատից՝ կիսաազատ մամուլ ունեցող երկրների շարքին, սակայն կրկին հետընթաց գրանցվեց: Ասվածին հակառակ «Իրավունքի գերակայություն» ՀԿ համահիմնադիր Արա Ղազարյանն էլ նեշեց, որ ասել, թե Հայաստանում մամուլը ազատ չէ, դա չափազանցություն է: Թեմային հավատարիմ մնալով «Ինֆորմացիայի ազատության կենտրոն» ՀԿ նախագահ Շուշան Դոյդոյանը, անդրադառնալով «Freedom House»-ի ներկայացրած զեկույցին նշեց, որ մամուլի ազատությունը ոչ թե հետընթաց է գրանցել, այլ նախորդ տարիների համեմատ առաջընթաց չի գրանցել:
«Այսօր պաշտոնյաները հաճախ են լղոզված պատասխաններ տալիս լրագրողների հարցերին և ոչ թե լրիվ հրաժարվում, որն առավել դժվար վիճարկելի է օրենքի տեսանկյունից»,-շեշտադրեց Շ. Դոյդոյանը: Քննարկմանը ներկա մեդիա փորձագետ Սամվել Մարտիրոսյանն էլ ավելացրեց, որ առավել կարևոր է ներքին գնահատականը, քան՝ ինչ կասեն արտասահմանյան որոշ փորձագետներ. «Լրատվականների համար ձևավորվող վարկանիշային աղյուսակները հարաբերական են, քանի որ առավել կարևոր է, թե ինչ լսարան է օգտվում այդ կայքից»:
Խոսելով մեդիա ոլորտում վերջին տարվա ձեռքբերումներից` Աշոտ Մելիքյանը կարևորեց այն հանգամանքը, որ լրագրողները առավել հետևողական են դարձել իրենց վերաբերող բոլոր խնդիրներին: