Այսօր լրագրողների հետ հանդիպման ժամանակ ՀՀ Մարդու իրավունքների նախկին պաշտպան, «Ընդդեմ իրավական կամայականության» ՀԿ նախագահ Լարիսա Ալավերդյանն անրադառնալով հայ գերիների խնդիրներին, ասաց. «Մամիկոն և Արսեն Խոջոյանների դեպքը տարբերվում է ռազմագերի Հակոբ Ինջիղուլյանի դեպքից. վերջինս զինվորական շորերով է հայտնվել Ադրբեջանում, մինչդեռ Խոջոյանները` ոչ»: Տիկին Ալավերդյանն ընդգծեց, որ Ինջիղուլյանի 3-րդ երկիր տեղափոխելը շատ կարևոր հարց է, քանզի միայն այդ դեպքում երաշխավորված կլինի նրա վերադարձը հայրենիք:
«Ադրբեջանին հայ գերիները ձեռնտու են այն իմաստով, որ այդպիսով նա կարող է քաղաքականացնել գերիների հարցն ու ստվերել Հայաստանի բանակը»,-նշեց բանախոսը: Լարիսա Ալավերդյանը հիշեցրեց, որ անցած քսանամյակի ընթացքում Ադրբեջանում հայտնված հայաստանցի ոչ մի գերի հայրենիք վերադարձվելուց հետո չի դատվել. «Մինչդեռ Ադրբեջանն անում է հակառակը` դատում իրենց ռազմագերիներին և անգամ մահապատժի ենթարկում»,- ասաց նա:
Վերջինիս խոսքով՝ Ադրբեջանը խիստ քաղաքականություն է վարում ազգային փոքրամասնությունների նկատմամբ: Հետևաբար, Հայաստան մուտք գործել ցանկացողները Ադրբեջանի ազգային փոքրամասնության ներկայացուցիչները ծանոթ են ադրբեջանցիներին, որոնք ժամանակին բնակվել են այստեղ, նրանք տեղյակ են, որ այստեղ շատ լավ են վերաբերվել ադրբեջանցիներին:
Բավ է պառակտվել