Հիմնանորոգումից հետո բացվել են Հայաստանում ռուսական ռազմաբազայի կլինիկական հոսպիտալի երկու մասնաշենքերը: Հարավային ռազմական օկրուգի մամուլի ծառայությունը հայտնում է, որ հոսպիտալում կատարվում է զինծառայողների, նրանց ընտանիքի անդամների եւ Երեւանում ու Գյումրիում զինվորական երկու կայազորների քաղաքացիական կազմի ստացիոնար եւ վիրահատական բուժում, տարբեր հիվանդությունների ախտորոշում:
Հոսպիտալը նախատեսված է 100 մահճակալի համար, ունի ցերեկային ստացիոնար, ախտորոշման, ֆիզիոթերապիայի, վիրահատական, ատամնաբուժական բաժանմունք:
Հիմնանորոգման աշխատանքները մեկնարկել էին այս տարվա մարտին: