19-04-2014 18:07

Գյումրիում այսօր 3000 ծառ ու 1200 թուփ է տնկվել

 

 


Գյումրիում, այսօր՝ ապրիլի 19-ին, կազմակերպված շաբաթօրյակի շրջանակներում, արդեն տնկվել է շուրջ 3000 հատ ծառ եւ 1200 հատ թուփ:

Քաղաքապետարանի մամուլի ծառայությունից հայտնում են, որ համաքաղաքային միջոցառումներին մասնակցող Գյումրիի քաղաքապետ Սամվել Բալասանյանը կարեւորել է նման աշխատանքներին քաղաքացիների ակտիվ մասնակցությունը, ինչպես նաեւ տնկիների հետագա խնամքի ապահովման անհրաժեշտությունը: Քաղաքապետը նաեւ շրջայց է կատարել քաղաքի տարբեր հատվածներ, որտեղ իրականացվում էին ծառատնկման եւ մաքրման աշխատանքներ: