Իրանի Իսլամական Հանրապետության քաղաքացին փորձել է Հայաստանի Հանրապետության տարածք մուտք գործել ուրիշի փաստաթղթով: Ինչպես Gisher.news-ին հայտնել են ՀՀ-ում ՌԴ-ի Դաշնային անվտանգության ծառայության սահմանապահ վարչության մամուլի ծառայությունից, հունվարի 20-ին «Ագարակ» անցագրային կետում վերահսկողություն իրականացնող Մեղրիի սահմանապահ ջոկատի աշխատակիցները բացահայտել են սահմանապահ վերահսկողությունն անցնող անձի փաստաթղթերի անհամապատասխանություն: Անհայտ անձը ներկայացրել է Իրանի Իսլամական Հանրապետության քաղաքացի, 1983թ. Դ.-ի անձնագիրը: Ներկայումս հաստատվում է չարագործի ինքնությունը եւ իրավախախտման հանգամանքները: