Պետդումայի վեցերորդ գումարման տեղեկատվական քաղաքականության հանձնաժողովի նախագահ Լեոնիդ Լևինն ասել է, որ պատգամավորները չեն նախատեսում քաղաքացիների համար «ծովահենային» կայքերից ֆիլմեր բեռնելու համար տուգանքներ սահմանել: Ըստ նրա, օրենսդրությունն այս ոլորտում կբարելավվի, անօրինական բովանդակությամբ ռեսուրսների վրա պայքարն ուժեղացնելու մասով:
Ավելի վաղ, ԶԼՄ-ները երկուշաբթի հաղորդել էին, հղում անելով անանուն աղբյուրներին, որ Ռուսաստանում, իբր քննարկվում է տուգանքների համակարգի ներդրման հնարավորությունը նրանց համար, ովքեր ապօրինաբար ֆիլմեր կբեռնեն: Ըստ հրապարակումների, խախտողներին պետք է գտնեին IP- հասցեով:
«Պետդուման կշարունակի պայքարել համացանցում անօրինական բովանդակությամբ կոնտենտների դեմ, օգտագործելով նույն մոտեցումները, որոնք օգտագործվել են նախկինում», - ասել է Լևինը: «Մասնավորապես, անհրաժեշտ է պայքարել «ծովահենային» կայքերի դեմ, որոնք ապօրինի տեսանյութեր են հեռարձակում և գումարներ վաստակում, խախտելով հեղինակային իրավունքները», - պարզաբանել է նա: