21-02-2017 13:05

Երևանն ու Ստավրոպոլը կկապվեն կանոնավոր ավիաչվերթով

«Ստավրոպոլ միջազգային օդանավակայանը» 2017թ. ծրագրում է ավիահաղորդակցություն հաստատել Երևանի հետ:
Ինչպես լրագրողներին հայտնել է օդանավակայանի գլխավոր տնօրեն Նիկոլայ Ապալկովը՝ նախատեսվում է չորս ուղղությամբ ընդլայնել թռիչքների աշխարհագրությունը:
«Ենթադրվում է Ստավրոպոլի օդանավակայանից երթուղային ցանցերի զարգացում. կանոնավոր չվերթներ դեպի Երևան և Սանկտ Պետերբուրգ, ինչպես նաև ամառային ամիսներին դեպի՝ Սիմֆերոպոլ և Սալոնիկ (Հունաստան)»,- ասել է Ապալկովը և մանրամասնել, որ նոր չվերթները կհայտնվեն 2017թ. մայիս-հունիս ամիսներին:
«Բաց երկնքի» քաղաքականություն որդեգրելուց հետո հայկական շուկա եկան նոր ավիափոխադրողներ, և ընկերություններ, որոնք Հայաստանում նախկինում են գործել: Մասնավորապես, 2015թ. տարեվերջի տվյալներով, դեպի Հայաստան ավիափոխադրումներ են իրականացրել Aegean Airways, Georgian Airways, Iraqi Airways, Al Naser, Mahan Air, Middle East airways, S7 Airlines, Czech և LOT ընկերությունները:
2016թ, ընթացքում դեպի Հայաստան չվերթներ սկսեցին իրականացնել նաև «Սարատովյան ավիաուղիները» և « Ուրալյան ավիաուղիները», ինչպես նաև ռուսական «Պոբեդա» լոուքոսթերը և Brussels Airlines-ը:
Բացի այդ դեպի Հայաստան թռիչքներ իրականացնելու Ռոսավիացիայի թույլտվությունը տրամադրված է ռուսական երեք ավիաընկերությունների՝«Իկար», « Հյուսիսային քամի» " (Nordwind airlines) և «Իժավիա»: