Այսօր, լրագրողների հետ հանդիպմանը հոգեբան Սամվել Խուդոյանը նշեց, որ աշխարհում տեղի ունեցող փոփոխություններն ու հակասական տեղաշարժերը, հասարակության մեջ տեղի ունեցող իրադարձությունները բարձրացնում են տագնապայնության աստիճանը:
Ըստ նրա, վերջին քսան տարիների փոփոխությունները նեվրոտիկ վիճակի են բերել, իսկ այդ իրավիճակը հստակ չի գիտակցվում:
Հոգեբանի կարծիքով հիմա մարդիկ ավելի հոռետես են դարձել:
Նա նշեց, որ այս օրերին հասարակության մեջ տագնապ է առաջացրել նաև իշխանությունում առկա անորոշությունը, կառավարության փոփոխությունը:
՛՛Այս փոփոխությունների ֆոնի վրա հետաքրքիր էր ընդդիմադիր դաշտի պահվածքը: Կիևի իրադարձությունները մեզ մոտ յուրահատուկ արձագանք ստացան՛՛,- նշեց նա:
Անդրադառնալով Էրդողանի ապրիլի 23-ի հայտարարությանը, նա նշեց, որ այն ընկալվեց ըստ մեր ազգային մենթալիտետի, որում զգուշավորություն և չհավատալու վերապահում կա:
Նա նշեց, որ կասկածամտության հիմքում որպես կանոն տագնապն է:
՛՛Մենք մեր մտքերը, մեր զգացմունքները, հատկապես թշնամական, բարձրաձայն չպետք է հնչեցնենք: Վերցնենք այն տակտիկան, ինչ ունի մեր թշնամին: Հաղթել կարելի է թշնամու տակտիկայով գործելով՛՛,- հավելեց Խուդոյանը:
Ըստ նրա, մեր ազգի մեջ նաև զոհի սինդրոմ կա, Ցեղասպանությունը հզոր ազդեցություն է թողել և չէր կարող չթողնել:
՛՛Եթե պայմանները նպաստավոր լինեին, թուրքերը նույն բանը կանեին՛՛,- ասաց նա: