Նախօրեին ողբերգական ավտովթար է տեղի ունեցել Տավուշի մարզում:
Ժամը 18:00-ի սահմաններում Նոյեմբերյան քաղաքի բնակիչ, 54-ամյա Լևոն Մաճկալյանը Նոյեմբերյանի տարածաշրջանի Սրոցահանք անտառում իր վարած ГАЗ 63 մակնիշի ավտոմեքենայով վթարի է ենթարկվել:
68-ամյա ուղևոր Արտավազդ Գիշյանը տեղում մահացել է, իսկ վարորդ Լ. Մաճկալյանը մարմնական վնասվածքներով տեղափոխվել է Նոյեմբերյանի բժշկական կենտրոն:
Դեպքի վայր են ժամանել ճանապարհային ոստիկանության աշխատակիցները, ինչպես նաև ոստիկանության Նոյեմբերյանի բաժնի օպերատիվ խումբը։
Փաստի առթիվ հարուցվել է քրեական գործ՝ ՀՀ քր. օր.-ի 242 հոդվածի 2-րդ մասի հատկանիշով: