25-04-2016 09:04

Լոս Անջելեսում տասնյակ հազարավոր մարդիկ հարգել են Ցեղասպանության զոհերի հիշատակը

Տասնյակ հազարավոր մարդիկ ապրիլի 24–ին դուրս էին եկել ԱՄՆ–ի Լոս Անջելես քաղաքի փողոցներ` ի հիշատակ 1915թ.–ին Օսմանյան կայսրությունում Հայոց ցեղասպանության զոհերի

Հայկական սփյուռքի տասնյակ հազարավոր ներկայացուցիչներ ապրիլի 24-ին դուրս էին եկել Լոս Անջելեսի փողոցներ, որպեսզի հարգեն Հայոց ցեղասպանության զոհերի հիշատակը:

Մարդիկ հավաքվել էին Թուրքիայի հյուպատոսարանի շենքի դիմաց։ Քաղաքի հայկական սփյուռքն ամեն տարի նշում է այդ օրը։

XX դարի սկզբին Օսմանյան կայսրությունում ավելի քան 1.5 մլն հայ սպանվեց։ Թուրքիան ավանդաբար մերժում է հայերի մեղադրանքները ցեղասպանության իրագործման հարցում և այս հարցի վերաբերյալ քննադատությունն արևմուտքի կողմից բավական ցավագին է ընդունում։

Առաջինը Օսմանյան կայսրությունում Հայոց ցեղասպանությունը 1965 թվականին ճանաչեց Ուրուգվայը, որի օրինակին հետևեցին Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։
ԱՄՆ 50 նահանգներից 44-ը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։