Մոսկվայում փետրվարի 9-ի գիշերը «անօրինական» կառույցներ քանդելուց հետո, որոնցում զբաղված էին նաև ԱՊՀ երկրներից աշխատանքային ներգաղթյալներ, այդ թվում նաև մեր հայրենակիցները` որոշ մեկնաբաններ դրանում երկրից աշխատանքային ներգաղթյալների արտաքսման միտումներ տեսան: Այդպես է, դա, թե չէ, կերևա մոտ ապագայում: Մի բան պարզ է հաստատ. աշխատանքային ներգաղթյալների վիճակը Ռուսաստանում բարդացել է: Նրանց վիճակն ավելի է վատացնում ռուբլու փլուզումը, որն իրեն զգացնել է տալիս ռուբլին դոլարի կամ ազգային արժույթների վերածելիս: Հետո էլ, Ռուսաստանում ձգձգվող տնտեսական ճգնաժամը հանգեցրել է «օտարների» հանդեպ քաղաքականության խստացման: Չնայած, Ռուսաստանում բոլորի իրավիճակն է վատթարացել` ոչ միայն ներգաղթյալները: Իմիջիայլոց, Ռուսաստանում գործազուրկների քանակն անցյալ տարի պաշտոնական տվյալներով 7,4 տոկոսով գերազանցել է նախորդ տարվա մակարդակը: Ընդ որում, ռուսաստանցի շատ փորձագետների կարծիքով, ընթացիկ տարում այդ ոլորտում դրական տեղաշարժեր չեն սպասվում: Մեր հայրենակիցները, որոնց թիվը Ռուսաստանում գրեթե 0,5 մլն մարդ է, առավելապես զբաղված են շինարարության և առևտրի մեջ: Մինչդեռ անցյալ տարի շինարարության մեջ աշխատանքների ընդհանուր ծավալը կրճատվել է 15–20 տոկոսով, իսկ ապրանքաշրջանառության ծավալում անկումը հասել է 10 տոկոսի: Ռուսաստանում մեր աշխատանքային ներգաղթյալները կկարողանա՞ն դիմանալ այդ գրոհներին, թե՞ ստիպված կլինեն հայրենիք վերադառնալ:
Բավ է պառակտվել