Տավուշի մարզում սեպտեմբերի 2-ի գիշերը լարված վիճակ է եղել. հակառակորդը պարբերաբար կրակոցներ է արձակել, ինչի հետևանքով Կոթի գյուղի բնակիչներ` մայր ու որդի Ռազմիկ և Նազիկ Թումանյանները ստացած վնասվածքներով տեղափոխվել են Նոյեմբերյանի բժշկական կենտրոն: Այդ մասին Panorama.am-ին տեղեկացրեց Կոթի գյուղի գյուղապետ Ֆելիքս Մելիքյանը: «Նրանց վիճակը այսօրվա դրությամբ լավ է, կյանքին վտանգ չի սպառնում», -փոխանցեց գյուղապետը: