Հայաստանի ռուսական ռազմակայանի հրետանային ստորաբաժանումների զինծառայողները դաշտային ելքի շրջանակներում սկսել են գործնական պարապմունքներ անցկացնել «Ալագյազ» բարձրլեռնային զորավարժարանում:
Ինչպես տեղեկացրել են ՌԴ Հարավային ռազմական օկրուգի մամուլի ծառայությունից, ներկայում ծովի մակերևույթից ավելի քան 2 հազար մետր բարձրության վրա հրետանավորները հրանոթները նշանափորձում են բնականոն մարտի և սովորում են կրակել «Գրադ» համազարկային կրակի ռեակտիվ համակարգերով:
«Պարապմունքների ընթացքում հրետանավորները կսովորեն վարել մարտական հատուկ ավտոմեքենաները՝ դեպի կրակային դիրքեր առաջ շարժվելիս: Պարապմունքների ավելի քան կեսը տեղի կունենա օրվա երեկոյան և գիշերային ժամերին»,- ասված է մամուլի ծառայության հաղորդագրության մեջ:
Օդից հրաձգության ճշտումը կիրականացնեն «Գրանատ» և «Զաստավա» արդի հետախուզական անօդաչու թռչող ապարատների անձնակազմերը: