Դերսիմի հայերի ու ալևիների բարեկամության նորաստեղծ միությունն արդեն սկսել է աշխատանքը:
Հիմնադիր նախագահ Սերքան Սերիաթաշը նշում է, որ իրենք մի շարք նախագծեր ունեն, որոնք պետք է կյանքի կոչեն:
«Դերսիմի հայերի համար կարևոր հարցերից մեկն այն է, որ մոռացել են իրենց լեզուն: Այդ բացը լրացնելու համար մեր առաջին գործը եղել է դասընթացի կազմակերպումը: Պոլսահայ, ներկայում Հայաստանում բնակվող Տիրան Լոքմագյոզյանն այդ դասերի համար Դերսիմ է եկել: Առաջին շրջանում 15 աշակերտ ունենք»,- ասել է նա:
Սերիաթաշը նշել է, որ հատկապես ապրիլ ամսին շատ միջոցառումներ են ունենալու: Դերսիմի գյուղապետերից բաղկացած պատվիրակությամբ մտածում են ապրիլի 16-20-ն ընկած ժամանակահատվածում Հայաստան այցելել և Երևանում Դերսիմի ֆիլմերի հանրային ցուցադրություն կազմակերպել: