Վերջին օրերին Քեսաբյան դեպքերը շարունակում են բուռն քննարկումների թեմա լինել, այս հատեքստում այսօր լրագրողների հետ հանդիպման ընթացքում արաբագետ Արմեն Պետրոսյանն ասաց, որ ռազմական գործողություններին զուգահեռ քարոզչական պատերազմն ավելի ընդգրկուն է: «Տեղեկատվական պատերազմում գործընթացներն ուղղված են Արևմուտքի դեմ: Մի կողմից ռուսական աղբյուրներն ապատեղեկատվություն էին տարածում, մյուս կողմից էլ ռուսական պետական մարմիններն անփութություն էին դրսևորում և հղում կատարում այդ կեղծ տեղեկություններին», ասաց նա:
Հանդիպանը մասնայից թուրքագետ Լևոն Հովսեփյանն էլ նկատեց, որ ցանկացած կողմ ունի իր շահերը և ցանկանում է տեղեկատվական տիրույթում ապահովել իր համար նպաստավոր ֆոն:
«Տեսանք, որ ռուսական հասարակական դաշտում տարբեր լրագրողներ սկսեցին բարձրաձայնել Քեսաբի դեպքերի և արևմուտքի պահվածքի մասին` ի հակակշիռ Ղրիմի հարցում Արևմուտքի գործողությունների: Ռուսաստանը Ղրիմի խնդիր ունի, հիմա փորձում է ցույց տալ ոճրագործությունների դասական օրինակ Սիրիայի պարագայում: Ուկրաինական զարգացումները ստվերեցին Սիրիայի զարգացումները, հիմա փորձում են որպես հակակշիռ ակտիվացնել դա»,- նշեց նա:
Նա նկատեց, որ Թուրքիայի մասնակցությունը Քեսաբի վրա հարձակման մեջ անհերքելի է, մյուս կողմից բացի թուրք ահաբեկիչներից, նաև ադրբեջանցիներ են ներխուժել Քեսաբ: