ՀՀ արտակարգ իրավիճակների նախարարության փրկարար ծառայության Գեղարքունիքի մարզի փրկարարական ուժերի վարչության հատուկ ջրափրկարարական ջոկատի հրամանատար, ավագ լեյտենանտ Արմեն Ճզմաչյանն այսօր լրագողների հետ հանդիպման ժամանակ հայտարարեց, որ այս տարի Սևանա լճում ջրահեղձ է եղել 4 մարդ, իսկ նախորդ տարի՝ 5 մարդ: «Սևանում հանգստացողներին հորդորում եմ ջուրը չմտնել ոչ սթափ վիճակում և չափից ավելի սնունդ օգտագործելուց հետո, չցատկել ջրային տրանսպորտից»,-նշեց բանախոսը: Ըստ ԱԻՆ փրկարար ծառայության Գեղարքունիքի մարզի փրկարարական ուժերի վարչության հատուկ ջրափրկարարական ջոկատի հրամանատարի՝
այս տարի խեղդվածներից մեկը ջրում սրտի կաթված է ստացել, մյուսը՝ ցատկել է մոտորանավակի վրայից ու չի կարողացել դուրս գալ ջրից, երրորդը՝ չվերահսկվող տարածքում երկու մետր խորության վրա է խեղդվել և այլն: «Եթե նախորդ տարի մեր փրկարար ջոկատի ուժերով փրկվել է 22 մարդ, ապա այս տարի՝ 23: Խորհուրդ եմ տալիս բոլորին լողալ հանրային տարածքներում, որտեղ շուրջօրյա ռեժիմով աշխատանքներ են իրականացնում ԱԻՆ փրկարարները»,- ասաց նա: Բանախոսը նաև հավելեց, որ
ԱԻՆ փրկարարների թիվը Սևանում 38-ն է: Հարցին, թե հնարավոր չէ ամբողջ Սևանի տարածն ապահովել փրկարարներով, որպեսզի ջրահեղձումը բացառվի, բացատրեց, որ ԱԻՆ-ը դեռևս չի կարող այդքան մեծ քանակությամբ աշխատողներ ուղարկել Սևան: