10-06-2016 12:34

Աբխազիան շահագրգռված է ՌԴ–ից Հայաստան երկաթուղու վերականգնմամբ

Աբխազիան շահագրգռված է Ռուսաստանից Վրաստան ու Հայաստան հանրապետության տարածքով երկաթուղային հաղորդակցության վերականգնմամբ, հաղորդում է  Աբխազիայի վարչապետ Արթուր Միկվաբիան։

«Ցանկանում եմ ասել, որ մենք հետաքրքրությամբ ենք վերաբերվում այդ նախագծին։ Պետք է հաշվումներ անել տնտեսության տեսանկյունից։ Իմ կարծիքով` դա շահավետ է։ Սակայն դրան դիմադրում է Վրաստանը, որը ասում է` մեզ հետ պայմանագրի չի կնքի` համարելով, որ մենք պետք է լինենք Վրաստանի կազմում։ Այսինքն` հարցը քաղաքական բնույթ է կրում։ Իսկ ես կարծում եմ, որ այն պետք է դիտակել տնտեսության և առողջ դատողության տեսանկյունից»,- ասել է նա։

Տրանսկովկասյան երկաթուղու աբխազական հատվածով միջանցիկ շարժումն ընդհատվել է 1992-1993թթ.` վրաց-աբխազական զինված հակամարտության հետևանքով։ Ռուսաստանի ներկայացուցիչներն ավելի ուշ հայտարարել են, որ դեմ չեն Սուխում-Թբիլիսի-Երևան ուղղությամբ երկաթուղային հաղորդակցության վերականգնմանը։ Մոսկվայի կարծիքով` նման նախագծերի իրագործումը կնպաստի բոլոր շահագրգիռ կողմերի միջև հարաբերությունների զարգացմանը։