30-04-2018 13:00

Ես երաշխավորում եմ, որ վարչապետ ընտրվելու դեպքում Հայաստանում ամբողջական օրինականություն կհաստատվի (Տեսանյութ)

 

Փաշինյան․ - «Ելք» խմբակցության դիրքորոշման մասին չի խոսքը, Հայաստանի հնարավոր, պոտենցիալ նոր կառավարության դիրքորոշման մասին է խոսքը:

«Ես կարող եմ երաշխավորել, որ վարչապետ ընտրվելու դեպքում Հայաստանի Հանրապետությունում ամբողջական օրինականություն կհաստատվի», - հայտարարեց ընդդիմադիր գործիչը: Վարչապետ ընտրվելու դեպքում իր երկրորդ քայլը, նշեց նա, «պետք է լինի կառավարության ձևավորումը, որի համար սահմանված է 15-օրյա ժամկետ, որից հետո 20-օրյա ժամկետում պետք է տեղի ունենա կառավարության ծրագրի քննարկումը»:

Հարցին՝ շարունակո՞ւմ է պնդել, որ «Մարտի 1»-ի գործով Հայաստանի երկրորդ նախագահ Ռոբերտ Քոչարյանը պետք է անպայման հարցաքննվի, և վարչապետ դառնալուց հետո ձեռնամուխ կլինի՞ դրան, Փաշինյանը արձագանքեց․ - «Ես կարծում եմ, որ «Մարտի 1»-ի գործի բացահայտումը կարևորագույն խնդիրներից է, և մեր պատմության այդ էջը պետք է ամբողջական բացահայտվի: Ես հիմա իմ այսօրվա կարգավիճակի բերումով չեմ կարող այլ հայտարարություններ անել, բայց իմ տեսակետները դուք գիտեք: Ես պնդում եմ, որ պետք է նորմալ նախաքննություն ընթանա»: