11-04-2016 15:28

ԵԽԽՎ նստաշրջանում կքննարկվի նաև ղարաբաղյան հակամարտության սրման հարցը

ԵԽԽՎ օրակարգում ներառված է նաև ղարաբաղյան հակամարտության սրման հարցը։ ԵԽԽՎ մամուլի ծառայությունից հայտնում են, որ գարնանային նստաշրջանի առաջին օրը՝ ապրիլի 18-ին, պլանավորվում է քննարկումներ անցկացնել «Ղարաբաղյան հակամարտության վերջին և ողբերգական էսկալացիան» թեմայով։ Օրակարգում դրված մյուս հարցերն են՝ կանանց քաղաքական ներկայացվածությունը, երեխաների մարգինալացման դեմ պայքարը, Ուկրաինայում պատերազմի ժամանակ գերեվարվածների հարցերը, Եվրոպայում հակասեմականության դեմ պայքարը։ Գարնանային նստաշրջանի գլխավոր զեկուցողներն են Ավստրիայի նախագահ Հայնց Ֆիշերը, Եվրահանձնաժողովի նախագահ Ժան Կլոդ Յունկերը, Վրաստանի և Թուրքիայի վարչապետներ Գեորգի Քվիրիքաշվիլին և Ահմեդ Դավութօղլուն։ Նստաշրջանում քննարկվելու է նաև Եվրոպայում փախստականների ճգնաժամը։ Ելույթ կունենան Բուլղարիայի արտգործնախարարը, Եվրոպայի խորհրդի նախարարների հանձնաժողովի նախագահ Դանիել Միտովը, ԵՄ մարդու իրավունքների հարցերով հանձնակատար Նիլս Մույժնիեկսը եւ Եվրոպայի խորհրդի գլխավոր քարտուղար Թյորբորն Յագլանդը։