Սահմանադրական բարեփոխումների հանրաքվեի դեմ կազմակերպված բողոքի ակցիայի մասնակիցները նախատեսում են շարժվել դեպի Կենտրոնական ընտրական հանձնաժողովի շենք։ «ԿԸՀ–ի շենքի մոտ մենք կարտահայտենք մեր բողոքը», – հանրահավաքի ժամանակ ասաց ակցիայի կազմակերպիչներից մեկը` Անդրեաս Ղուկասյանը։ Ցուցարարները դիմեցին քաղաքացիներին` խնդրելով իրենց տրամադրել վրաններ, վերմակներ, ներքնակներ, նավթավառներ։ Նախօրեին երեկոյան «Նոր Հայաստան» ճակատը հանրահավաքների շարք սկսեց` դեկտեմբերի 6–ին նախատեսված սահմանադրական բարեփոխումները տապալելու, իսկ հետագայում իշխանափոխության հասնելու նպատակով։ Ակցիայի ընթացքում գրանցվել են քաշքշուկներ ոստիկանների և ցուցարարների միջև, իսկ կեսգիշերին մոտ ընդդիմադիրներն Ազատության հրապարակում պաստառներից կառուցեցին ինքնատիպ վրաններ և հայտարարեցին անժամկետ նստացույց անցկացնելու մասին։ Սահմանադրական բարեփոխումների հանրաքվեն կանցկացվի դեկտեմբերի 6–ին։ Բարեփոխումներով նախատեսվում է անցում կատարել խորհրդարանական իշխանավարման։
Բավ է պառակտվել