Ռուսաստանն անհրաժեշտ փաստեր ունի, որոնք ապացուցում են, որ ռուսական Սու-24 ռմբակոծիչը չի խախտել Թուրքիայի օդային սահմանը։ Այդ մասին հայտարարել է ՌԴ ռազմա-տիեզերական ուժերի հրամանատարի տեղակալ Սերգեյ Դրոնովը:
«Այս պահին մենք ապացույցների բազա ունենք, որոնք ցույց են տալիս, որ ռուսական ինքնաթիռը Թուրքիայի օդային տարածքը չի խախտել»,-ասել է Դրոնովը՝ ՌԴ ՊՆ-ում տեղի ունեցած ճեպազրույցի ընթացքում:
Ռուսաստանի ու Թուրքիայի հարաբերություններում ճգնաժամ է սկսվել նոյեմբերի 24-ից հետո, երբ թուրքական F-16 կործանիչը թուրք-սիրիական սահմանի մոտ հարված հասցրեց ռուսական Սու-24 ինքնաթիռին և կործանեց այն:
ՌԴ նախագահ Վլադիմիր Պուտինը տեղի ունեցածը «թիկունքից հարված» է որակել։
Միջադեպից հետո ՌԴ ղեկավարը հրամանագիր է ստորագրել Թուրքիայի նկատմամբ պատժամիջոցներ սահմանելու վերաբերյալ:
Բավ է պառակտվել