26-08-2014 14:56

«Ժառանգությունն» ԱԺ կներկայացնի ԼՂՀ անկախության ճանաչման օրինագիծը.Ռ. Հակոբյան

Այսօր հրավիրված մամուլի ասուլիսի ընթացքում խմբակցության ղեկավար Ռուբեն Հակոբյանը նշեց, որ ԱԺ «Ժառանգություն» խմբակցությունը հերթական անգամ ԱԺ կներկայացնի Լեռնային Ղարաբաղի Հանրապետության անկախության ճանաչման օրինագիծը։ «Սա միշտ եղել է մեր օրակարգում, այս պահին, բնականաբար, նոր քաղաքական իրողություններ են, թե եվրաասոցացման հետ կապված, թե՝ Մաքսային միության հետ»: Լրագրողների այն դիտարկմանը թե, սա կարող է խանգարել Մինսկի խմբի աշխատանքները, Ռուբեն Հակոբյանը պատասխանեց. «Այո հարցի մտահոգությունն ինչ-որ չափով կիսում եմ, բայց կրկնում եմ, որ մենք միշտ ունեցել ենք այս նախագիծը, հիմա էլ շրջանառության մեջ ենք դրել, իհարկե կխորհրդակցենք խորհրդարանական ուժերի և ԼՂՀ իշխանության հետ»,- ասաց նա։